O vindeiro 14 de marzo, o Concello de Negueira de Muñiz organiza unha noite especial para celebrar o inverno con sabor, música e tradición. A partir das 22:00 horas, Pieiga acollerá unha animada verbena con Rocío e o seu acordeón, creando un ambiente festivo pensado para gozar en boa compañía.Por só 2€, as persoas asistentes poderán participar na degustación da “Tapa de Inverno”, percorrendo tres establecementos emblemáticos da zona: Casa Sara e Casa Vizcaín, en Negueira de Muñiz, e Casa Sidrón, en Pieiga. Ademais, ás 00:00 horas sortearase unha cesta con produtos típicos da zona entre todas aquelas persoas que completen a ruta e selen os tres locais participantes.Unha oportunidade perfecta para apoiar a hostalaría local, saborear produtos tradicionais e vivir unha noite de festa no corazón de Negueira de Muñiz.
Recent Comments