A Deputación de Lugo está a desenvolver, xunto coas Deputacións de Cáceres e Badaxoz, os territorios da Serra Norte e da Serra Oeste de Madrid, Terras de Iranzu en Navarra e a Federación de asociacións e municipios con centrais hidroeléctricas e encoros (FEMEMBALSES); o proxecto para a creación da experiencia «Turismo de Encoros de España», seleccionado ao abeiro do programa Experiencias Turismo España e financiado polo Plan de Recuperación, Transformación e Resiliencia do Goberno de España- Next Generation EU.
Dentro das actuacións a desenvolver atópase a celebración dun programa de actividades gratuítas denominado ENCORO AVENTURA que, de xeito simultaneo, celebrarase en todos os territorios membros do proxecto entre o 28 de xuño e o 13 de xullo do 2025. Este programa pretende ser un escaparate das posibilidades que ofrecen os nosos encoros para o desfrute de actividades ligadas ao turismo sostible e que ensalcen os valores do territorio.
No caso da provincia de Lugo, as actividades teñen previsto realizarse en diferentes localizacións do territorio, entre elas o concello de Negueira de Muñiz. Máis concretamente, estaríamos falando da seguinte experiencia:
1.-Baixo as estrelas de Negueira de Muñiz o sábado 28 de xuño do 2025.
Descripción: Roteiro gastronómico onde se visitará un produtor local e unha adega e que finalizará cunha sesión de observación astronómica guiada por un experto.
Duración da actividade: 5:00 horas.
Número de participantes: 12 persoas.
O periodo de inscrición abriuse onte, mércores día 18 de xuño, e poderase realizar a través da web https://bit.ly/turembalses-lugo ata completar prazas.
